Gospel Crusade nei zing a nih

Hmarkhawlien: Tarik 16 August, 2017 zan anthawk khan “INPUMPEKNA” ti thupuia hmangin Hmarkhawlien Community hall ah Gospel Crusade tan a lo ni tah. Mizoram Buhban anthawk Evan Vanramhluni le a team hai mi 20 hungin rawngbawlna an nei. Anni lai hin Soloist Pi Lalhmangai-engi le Nk Catherine (Nanui) haiin an hung zui a,
hlaa rawngbawlna an nei a nih. NC Hills anthawk Nk Quilyne Lalrovel khawm fiela umna sukpuitlingin Crusade-a hin hla-a rawngbawlna a nei ve a, mipui na a suk tlai hle. Hmarkhawlien Choir member hai anthawk khawmin solo ngaithlak a ni a, Choir haiin hlapawl thiem takin an sak bawk. Crusade zankhatna hin mipui beisei ang in an tam aw a, zanhninaa inthawk chun hall sung baka pandal siema um khawm hluobit a ni tah. Zantin Speaker anthawk
thuhril ngaithlak a ni a, choir le soloist hai anthawk Pathien inpakna hla tha tak tak le mawi tak tak ngaithlak a ni bawk a nih. Hmarkhawlien Joint Churches in a buotsai Gospel Crusade hi Pathienni zan chena dinga programme induong a ni a. Pathienni zing hun ruok chu mani kohran senga inkhawm ning a ta, Pathienni zan Crusade hi a mun pangaia bawk neizawm ning a tih. Gospel Crusade hi Hmarkhawlien Joint Churches Thalai Pawl haiin active part an lak a, JEHOVA NISSI Ministry in a sponsor a nih. Vawizan 19 August, 2017 le Pathienni zan hun hmang dan ding duonlawk tlangpui hai, 4TH NIGHT: 19.08.17 (INRINNI ZAN) TIME 6:30 PM Conductor : Evan R.K. Vanlalrawna, Seventh Day Adventist. Solo: Tv. Lallukhum Neitham, HKL Choir Member. Thawlawm Inhlantu : Pastor Lalzarlien, AGEI. Hlapawl : Hmarkhawlien Choir Thuhrilna : Speaker Benediction : Upa Haulungthang, PLC 5TH NIGHT: 20.08.17 (PATHIENNI ZAN) TIME 6:00 PM Conductor: Pastor Ramsiemsang, ICI HKL. Thupuong : Upa Herald Brown, Secretary, HJC. Solo : Nk. Ruthi Lalthuoihlim, HKL Choir Member. Thawlawm Inhlantu : Rev. Lalhninglo, RPCNEI Hlapawl : Hmarkhawlien Choir. Thuhrilna : Speaker. Lawmthu Hrilna : Upa Lalzarlien Ralsun, Vice-Chairman, HJC. Benediction : Pastor Sakhawlien, CFGI. Hieng programme duonlawk hai baka hin Kohran |halai pawl le mimal solo hai khawm um bawk a tih. Crusade Inkhawm hi a tlangpuiin darkar hni le chanve a ni tlangpui.

 

2 Comments on "Gospel Crusade nei zing a nih"

  1. N1qA2G kqeryytuuhpp, [url=http://hycuurgqajwj.com/]hycuurgqajwj[/url], [link=http://ddyjfnyqiizo.com/]ddyjfnyqiizo[/link], http://hznwjvdiuhvb.com/

  2. lOY7eJ yxttcncmrivx, [url=http://hwuqtsmmyqvz.com/]hwuqtsmmyqvz[/url], [link=http://okyasyeshcbr.com/]okyasyeshcbr[/link], http://xvjosqrojisr.com/

Leave a comment

Your email address will not be published.


*