GST Vawisuna inthawk hmang ṭan a ni ding

NEW DELHI: Goods and service tax (GST) tia tukum INDIA headlines a inlar tak chu vawisun tarik 1st July 2017 hin hmang ṭan a lo ni ding an ta. Hi tax hin iengtin am mani mimal le khawtlanga hlawkin annawle sietpui a ta ti chu hai ve sin ei tih. I nitin hun hmanga i sum mansate kha nidang nek chun an thep nuom ṭhet dingin an lang. Thingpui le coffee chu GST huom sunga chun 5% tax lak ning a ti. Tuhin 3-4 percent a tax lak a nih.

 

Masala khawm 5% tax lak ni bawk a tih. Cold drinks hieng Coca-cola le thil dang dang hai khawm kaisang tieng a pan pei a 28% tax ni bawk a ti. Khaini (tobacco) le thil­hluṭhenkhat hai khawm 28% lai tax lak ni sa bawk a ti. Mimal mamaw thil hieng sabon, hanawtna hlo hai khawm 24-28 percent a inthawk 18% in a thla hnuoi nawk ve thung. Shampoos, Rimtui hai ruok chu a kaisang dinga ring a ni nawk ve thung. Cinema tick­ets tieng pang ruok chu state tin in angkhata a hmang ding in 18% ani ve nawka amiruo­kchu cheng 100 chung tieng a mi chu 28% ani ve nawk thung a nih. State thenkhat a hai chu hi hi 22-25 percent lo ni hlak ani. Amiruo­kchu i state a hi neka alo inhnuoi a ni chun i mansa an thep sawt ding tina ani ve thung. Khuolram inzinna dingin vuongna a chuong i tum chun Business class 8.40% a int­hawkin 12% ah a kaisang leiin ngun taka ngatuo a tha awm ani tickets lak hma in. Economy class ruok chu 5.60% a inthawk 5% in a thla hnuoi ve thung. AC le First class rail tickets khawm 4.5% a inthawk in 5% a hlangkai a ni. Hotels le rooms tax hai khawm sukdanglam an ni, GST chun hotel room cheng 1,000 chena mi chu tax free in a puonga cheng 1000-2500 hai chu 12% lak ni a ta, cheng 2,500-7,500 hai 18% tax niin le cheng 7,500 chungtieng le five star hotel hai chu 28% tax ani bawk ding a nih. thuomhnaw incheina zakuo kekawr cheng 1,000 hnuoi tieng chu 5% a la ni zaing ding amiruokchu cheng 1,000 chuntieng chu 8% a inthawk in 12% a hlangkai a nih. Anle ieng hai am tax umlo a um ta a ei ti chun hien bawngnenetui, sa chi hran hran hai khawm tax in a huomsa naw bawk a nih.

Be the first to comment on "GST Vawisuna inthawk hmang ṭan a ni ding"

Leave a comment

Your email address will not be published.


*