Hnam sipai 4 hai thina

Ankhasuoa thil tlung le inzawmin ei hnamsipaia ṭhang 4 laiin thina an tuok nia hriet a ni a. Chuong laia pakhat chu pasalṭha tlanmuol, Hmarkhawlien ah phum a nih. Mani thil suksuol leia thi tlaka ngaia sipai 4 hai hi that an ni si chun pasaṭha tlanmuol a phum an ni nawk lawi si hi mi tam tak makti a tling a. Amiruokchu an vanglai hun hnam
ta dinga lo inhlantu an ni leiin pasaṭha tlanmuol hi hlaw awm hrim an lo ni hrim a. Thu danga hril chun ei sipaihai thina lei hinhnam le hnam inkara indo ding ei pumpel nia ngai thei a ni bawk a. Hnam pasalṭha an lo ni tak zet a ni. “Phuba kan lak a nih,” ti ṭawngkam an nei nia hril hi a lo indik ngai a ni chun ei pi le pu haiin ‘Phuba le saihlum
an nge ngai nawh’ an lo ti hi an sukdik hle bawk a. Amiruokchu dan hmanga hremna pek an ni hi ei dem chuong naw a, chuong lai zingin mani le mani ei inthat hlak hi chu pawi ei ti hle a nih. Ei sipai 4 hai thina anthawk hin hnam
sunga inthlakdanglamna tlung sien la, thipui khawp suol thaw lo dingin minawlpuihai hi ṭhang la inla. Thuoituhai khawm hin ngaithiemna insang tak le mipui laka rorel inla. Hnam dang kara leng ei ni leiin ei chet dan iengkima fimkhur takin thaw hlak inla. Mihai angin tamin ropui naw inla khawm ei inthuruol a, pumkhata ei um tlat chun
tukhawma mi do ngam naw ni hai!

Be the first to comment on "Hnam sipai 4 hai thina"

Leave a comment

Your email address will not be published.


*